សៀវភៅប្រលោមលោកនេះ និពន្ធដោយក្រុម Senses Novel ដែលមានបទពិសោធន៍ជាច្រេីនឆ្នាំ។ រឿងប្រលោមលោកនេះជារឿងប្រភេទ BL បែបខ្មែរ បូករួមស្នេហា ឃាតកម្ម និងអាថ៌កំបាំង។ សៀវភៅប្រលោមលោកនេះសរុបមាន 313 ទំព័រ។
រឿងប្រលោមលោកនេះមាន 2 ទម្រង់៖ សៀវភៅ និង eBook
អ្នកនិពន្ធ៖ ខេន
អ្នកកែសម្រួល៖ Vittoria និង ការ៉ា
ទីប្រឹក្សា និង រចនារូបភាព៖ Vittoria
បម្រាម៖
ដោយសារកម្រងសៀវភៅនេះជាប្រភេទ 18 បូក ដូច្នេះហេីយយេីងខ្ញុំសូមធ្វេីការក្រេីនរំលឹកជាមុនថាពុំអនុញ្ញាតិអោយអ្នកអាន ដែលមានអាយុក្រោម 18 ឆ្នាំអាននោះទេ។ បន្ថែមពីនេះទៅទៀត សៀវភៅមួយក្បាលនេះមានរួមបញ្ចូលជាមួយពាក្យពេចន៍ មិនសមរម្យមួយចំនួន សូមអានដោយការត្រៀមចិត្ត។
ប្រាសាទអាស្រមអាមាតះ វគ្គ ទេវរូបព្រះនេត្រក្រហម (Book)
ព្រះច័ន្ទពេញដួង មើលទៅស្រស់ស្អាតខ្លាំងណាស់ ប៉ុន្តែមួយរំភេចក៏ប្រែមកពណ៌ក្រហមយ៉ាងរហ័ស ពណ៌ក្រហមដូចជាឈាមគួរឲ្យខ្លាច ពន្លឺព្រះច័ន្ទចាំងជះទៅលើផ្ទៃព្រៃ ដែលកំពុងតែមានសម្លេងសត្វត្មាត និងសត្វក្លែងស្រាក់ កំពុងតែយំយ៉ាងគ្រលួច។ អ័ព្ទចុះមកគ្របដណ្តប់ព្រៃទាំងមូល ដោយមុននឹងមានសម្លេងឆ្កែលូរ គឺលូរប្រណាំងនឹងសម្លេងក្លែងស្រាក់ដែលនៅលើចុងជ្រៃធំ។ សីតុណ្ហភាពមេឃចុះត្រជាក់ បង្ហាញពីឥទ្ធិពលនៃធម្មជាតិនៅក្នុងព្រៃ ត្រជាក់រហូតដល់ព្រឺឆ្អឹងខ្នង... ភ្លាមនោះ កណ្តាលព្រៃក៏មានស្រមោលមួយដែលកំពុងតែដើរ មើលទៅហាក់ដូចជាស្រមោលរបស់មនុស្សប្រុស?
ពន្លឺព្រះច័ន្ទចាំងមកចំស្រមោលដើរកាត់ព្រៃនោះ ចាំងចំមនុស្សប្រុសមាឌមាំម្នាក់ ដែលមើលទៅគួរឲ្យខ្លាច។ ប្រុសមាឌមាំនោះមិនមានពាក់អាវ សាច់ដុំរឹងមាំ ដៃរបស់គេហាក់ដូចជាកំពុងតែកាន់អ្វីម៉្យាង ប្រឹងអូសអ្វីមួយដែលមានទម្ងន់ធ្ងន់ ប្រឹងអូសរហូតបង្ហាញឲ្យឃើញថាក្នុងដៃរបស់គេនោះជាអ្វី... ជាជើងរបស់មនុស្ស! ហើយដៃស្តាំមានលីកាំបិទធំមួយទៀត!...